
miércoles, 30 de junio de 2010
¿Será dende Ventosela?

martes, 29 de junio de 2010
Perfecta e Miguel
Son os pais dos nosos colaboradores Manolo e Mari Carmen, e tamén de Miguel e de José Luis . Supoño que lembraredes que el era o Depositario do noso Concello, e que perdera un ollo no frente de Asturias ó principio da Guerra Civil, como xa contamos nunha entrada anterior.
Foron veciños unha chea de anos do barrio de San Francisco, vivían exactamente nunha casa que me parece que estaba adosada ós muros do Convento, xusto encima da estrada que vai á Foz.

lunes, 28 de junio de 2010
De paseo cós nenos
A foto penso eu que está sacada á altura do Cine España, xa que e ó fondo pódese mirar o campanario da Oliveira, e o edificio onde estaba situada a sociedade "La Peña" e o Bar Evencio. Xusto detrás de Perfecta podemos ver o toldo dun establecemento comercial chamado "Casa Vidal", que a min non me soa de nada, pero o que xa me sona máis é a fisonomía da rúa, tan típica desa época, coas aceiras de pedra, e eses postes de madeira.

domingo, 27 de junio de 2010
Disfrutando no río
Me conta Carmela que ten moi bós recordos daqueles veráns que pasaban na finca da súa tía Claudina, que é onde está sacda a foto, e que está situada no Avia, un pouco máis arriba da ponte de San Francisco.
Calculo que a foto debe de ser do ano 1967, ano arriba ou ano abaixo.

sábado, 26 de junio de 2010
A construcción do Sanatorio

viernes, 25 de junio de 2010
O que se mova non sae na foto
O mellor, para non liar as cousas, e que si queredes ver a outra foto premades aquí, e así as poderedes comparar en dúas pantallas distintas.
Na que puxemos no mes de Novembro, a rapaza que leva o número 6 moveuse e saía irrecoñecible na foto, mentres que nesta mira fixamente, supoño eu, para o seu noivo, ó igual que fai el con ela, botando por terra tódalas normas dos posados fotográficos que nós coñecemos, como o de mirar para o paxariño ou dicir o de pa-ta-ta.
Pero non quero desviar a atención da fermosa labor que fixo Antonio, que como vedes tivo a paciencia de numerar ós protagonistas desta voda e tratar de identificalos un a un.
A lista que fixo é esta , e si vós ou os vosos familiares recoñecen a alguén máis, non deixedes de enviar algún comentario.
1 - Abdón Gómez Dávila
9 - Secundino Gómez Davila (Pai da noiva)
11- Alfonso Vázquez González (Irmán do noivo)
12- ¿Carmen Gómez Juste?
13- A Morena
15- Luisa Gómez Juste16-Elisa Gómez Juste (Nai de Antonio, o dono da foto)
18-Ramona Fariña Juste
24- Juana Gallego, esposa de "Pepe o da Botica"
25-Pepe "o da Botica"
27-Pilar Touza Gómez (madriña e esposa de Amancio Juste Pérez)
28- Asunción Gómez Juste (Noiva)
29- Jesús Vázquez Gonzalez (Noivo)
30-Amancio Juste Pérez (padriño e esposo de Pilar Touza Gómez)
37- Benita Gómez Juste
38- Secundino Gómez Juste
39-Secundino Fariña Juste -"Machaco"

jueves, 24 de junio de 2010
Valparaiso segundo Ksado
Non sei si sería polo efecto sorpresa que se producía cando te achegabas ó Ribeiro dende Vigo. A estrada ía descendendo sempre dende A Cañiza, curva tras curva, e ó chegar un pouco máis abaixo das curvas de Quíns, en Barcia, é como si se abrira o ceo e tiveses a visión dun paraiso. O monte cedía o paso a unha fermosa paisaxe, que deixaba entrever o que ía vir despois. É coma si antes de entrar ó Ribeiro lle deramos unha volta dende o aire, para ir facendo boca.
Igual que a americana Ruth Matilda fixo no ano 26, Ksado publica no seu libro "Estampas de Galicia" este cromo no ano 1936, no que se pode ver Francelos entre eses dous penedos.

miércoles, 23 de junio de 2010
Os "Fascistas del amor"

martes, 22 de junio de 2010
O pano do fondo
Penso que este telón e este cabalo, son dos máis coñecidos entre os que rondamos hoxe a cincuentena, xa que o que máis e o que menos debe de ter na súa casa gardada unha foto igual ou moi parecida a esta. Ou polo menos eso me parece a min, xa que eu tamén a teño.

lunes, 21 de junio de 2010
Chegou o verán
Supoño que serían de cando foi inaugurada, polo que deben de ser do ano 1963, e tamén supoño que proceden de Foto Chao, xa que parecen moi profesionais, coma si estivesen feitas por encargo.
Aproveito tamén para desexarvos un bon verán. Ós que teñades vacacións que as aproveitedes e as disfrutedes ó máximo, e ós que vos toque traballar, que o levedes o mellor posible.


domingo, 20 de junio de 2010
¿De quen era ese coche?
Pero resulta que ese auto, do cal descoñezo a marca, o que leva aí son uns carteis publicitarios anunciando a 1ª Feira do Viño do Ribeiro, e formaba parte dunha caravana que percorreu as principais vilas e cidades galegas dando a coñecer esa iniciativa.
A foto está sacada na Alameda de Pontevedra, onde vemos como algúns viandantes saudan á comitiva ribeirana.
A foto é de Mª José Bouzas, pero...¿De quen era o coche?. ¿Podería se un Opel?

sábado, 19 de junio de 2010
Sería unha inocentada
Que o disfrutedes.

viernes, 18 de junio de 2010
Máis fotos dunha chea na Foz
Na primeira podemos ver perfectamente A Foz á esquerda e en primeiro plano, e alá ó fondo, ó outro lado do Avia os contrafortes da vía férrea, e máis arriba a arboreda do Campo da Feira.
Na segunda vemos a estrada en construcción, ou mellor dio, unha gran lameira totalmente impracticable a piques de ser asolagada polo río.


jueves, 17 de junio de 2010
Outro xantar
Dos demais compoñentes no teño nin idea, e tampouco sei onde e cando se fixo a foto, e cal foi o motivo deste xantar.
Noutras palabras, dependo de vós.

miércoles, 16 de junio de 2010
A familia Couto Touza
Na foto están empezando na liña superior a esquerda: Evangelina, Xoaquín, Leonisa, Paco (meu pai).Valentín (este é fillo político, é marido de miña tía Pilar)
Na liña dianteira:A primeira non seí cal é das tres tías miñas que sempre viviron na Arxentina. Tal vez Elvira ou Flora. Logo está a miña tía Pilar (o seu home Valentín, estaba detrás), meus avós: Paco Couto e Xoaquina Touza e por último meu tio Xulio, que é o pai dos meus primos, os dos transportes."
martes, 15 de junio de 2010
As últimas fotos da conferencia de D. Ramón


lunes, 14 de junio de 2010
Asistentes á conferencia

domingo, 13 de junio de 2010
Motorizada
sábado, 12 de junio de 2010
As homenaxes de ADEMAR
viernes, 11 de junio de 2010
Alumnos dos H. Maristas

jueves, 10 de junio de 2010
O mapa das Picoñas
Si o vemos en detalle a nosa vila queda no recuncho inferior dereito, e podemos notar como aparece a igrexa de San Domingos separada do nucleo urbán. Deste núcleo, pola esquerda, parte un camiño que sube verticalmente, é o camiño que vai cara á Franqueirán, e a San Estevo de Novoa, rodeando pola dereita o monte das Picoñas que é esa montaña rochosa que queda no centro do mapa.


miércoles, 9 de junio de 2010
A hora do rancho

martes, 8 de junio de 2010
O Carballal
Como sabedes era un excelente baixo da banda de música "La Lira", e un experto follalateiro, que tiña o taller na rúa da Fonte Arrastrada.
Agora que estamos na era dos plásticos seria inviable un establecemento deste tipo, que sería substituido por calqueira todo a cen, pero fai anos o único que podía facerlle os apaños ás regadeiras, ás tarteiras, ós baldes ou ás máquinas de sulfatar picadas era el.

lunes, 7 de junio de 2010
Miguelito
Os rapaciños da esquerda son os seus sobriños Perfecto e Mª José, fillos de Manuel Lage y Mari Carmen López, tamen colaboradora deste blog.

domingo, 6 de junio de 2010
Magosto
Xa sabedes que a xuventude da vila tiña por costumbre subir ós montes para celebrar esta festa do Outono, eu non sei a onde irán agora, nin a onde ían antes, pero a min os que me tocou vivir sempre os fixemos en Santa Marta, ou no Piñeiral, e incluso algún no que nos lle chamabamos o "Fuerte Patacoja" que son uns grandes penedos que ó se apoiaren os uns cós outros forman unhas covas. Están situados enfronte do Oasis, na parte de arriba da vella estrada Villacastín- Vigo e teñen unhas fermosas vistas sobre o Valparaiso. Daquela, para chegar alí, nos iamos polo Piñeiral, pasabamos o Palomar para chegar case ata a Ibia, que penso que é como lle chaman a esa zona.
Tamén fixemos Magostos có Instituto, e sempre iamos o lugar chamado "Laxe de Novoa" situado ó pasar a Franqueirán, a Brinca e Paraviñol, xusto derriba da presa onde nace a levada da traida de augas da vila no regato do Maquiáns.

sábado, 5 de junio de 2010
Matando a sede
Digo isto polo cambio que sufriu a publicidade e o marketing nuns anos. Hoxe en día chamaríanos moitísimo a atención a lectura de tódolos slogans e textos publicitarios dunha destas primiras feiras do viño.
O que vexo que estaba tranquilo e relaxado, sen preocuparse o máis mínimo dos reclamos publicitarios, é un dos propietarios da adega, que da boa conta do seu caldo cunha xarra de medio litro.
Xa se sabe, cando a calor apreta hai que matar a sede.
A foto pertence á colección de Mª José Bouzas.

viernes, 4 de junio de 2010
O Evencio e o Mexicano
Os dous están elegantísimos, parecen verdadeiramente dous dandis impecablemente vestidos posando diante do coche, que non sei si sería un taxi da nosa vila.
A foto está feita o día 20 de Marzo do ano 1958 en Vigo, o que non sei, e xa lle din varias voltas, é en que rúa.
Como podedes ver, os comentarios sobre este tema apuntaban á rúa Ronda de D. Bosco, e Francisco Couto nos envía esta foto do estado actual desta rúa viguesa, onde se fixo a foto.
jueves, 3 de junio de 2010
A escola de Sampaio
Eu non sei como, nin quen levou a negociación, pero o caso foi que Fenosa cedeu dous dos seus barracóns para a Escola de Sampaio, eso si a tempo parcial, só polas mañáns, un para os nenos ós que lle daba clase o Sr. Rivela ( ¿Podería ser Juan como o seu fillo?) e outro para as nenas, ás que lle daba clase miña nai, que é a que aparece aí rodeada de tódalas súas alumnas no ano 1965, e có val de Castrelo ó fondo.
Non sei o nome desas rapaciñas, aínda que podo dicir que algunha delas hoxe é xa avoa, pero si sei que estaban na gloria, xa que disfrutaban dunha magnífica calefacción, eso si só polas mañáns, xa que polas tardes os que ocupaban as aulas eran os propios traballadores da central, que recibían cursos de alfabetización.

miércoles, 2 de junio de 2010
"Los Orientales"
Hoxe poñemos no blog un fermoso reclamo publicitario da orquesta "Los Orientales" de San Cristobo, que funcionaba nas festas dos anos sesenta, e cuio xefe era "O Flaco" que aparece de primeiro de pé pola esquerda.
Xusto debaixo del, agachado e facendo un tremendo esforzo para levantar esa pedra que había no interior do Castelo, está o Olegario "O Virulilla" cuñado de Juan José González, que é o que nos deixa a foto.

martes, 1 de junio de 2010
Braulio Gulín
Trátase de Braulio Gulín, co seu instrumento, que penso que é unha especie de trombón, e teredes que perdoar o meu atrevemento, así como o meu descoñecemento musical, por si non acerto, pero como dicía sempre meu avó "a ignorancia é atrevida".
Eu coñecín ó seu fillo Braulio, tamén musico da Lira, e que vivía a carón da Praza Maior, ó lado de Previsión.
A foto debe de ser bastante antiga, e Francisco, a quen lle dou as grazas pola súa colaboración, non é capaz de datala, polo que eu diría que podería ser de finais dos anos 20, pero seguro que vós teredes moita máis información.
