Hai un tempo falei dunha conferencia que dera D. Ramón Otero Pedrayo no "Club Artístico" fai anos, non sei cantos, e estas fotos penso que son dese mesmo día. Teredes que perdoar o meu descoñecemento, pero penso que o home que mira fixamente á cámara na segunda foto, e que está entre D. Rubén, médico e insigne medievalista por todos coñecido e D. Jaime Dávila, é o etnógrafo e antropólogo D. Xaquín Lorenzo máis coñecido por "Xocas", que debeu de acompañar a D. Ramón na visita á nosa vila.
Supoño que a sinatura será no libro de honra do Concello ou do Club, xa que Jaime Davila foi ademais de alcalde, presidente do Club. O que me ten a min intrigado é que non sei quen é, o que asina no libro.
No hay comentarios:
Publicar un comentario