lunes, 12 de diciembre de 2011

A estrada do Carballiño

Retomando o tema das postais de Canda, hoxe poñemos esta, na que podemos ver como era, a principios de século XX, a estrada que comunicaba a nosa vila co Carballiño, que máis que estrada, deberiamos de chamar camiño. O camiño de Leiro e Carballiño.
Rodeado por viñedos a un lado e outro, sen apenas edificacións, é bastante estreito, como correspondería a aqueles tempos, nos que os automóbiles escaseaban, e maioría dos vehículos eran de tracción animal.
As augas do Avia, cando se desbordaba asolagaban todos eses fondais que aquí se ven. Terrazas fluviais moi vizosas, onde amais de viño, a xente cultivaba todo tipo de verduras en pequenas hortas próximas á vila, que aínda se seguen a manter detrás das edificacións que ocupan hoxe en día as marxes da estrada.
Os baixos destes edificios aínda se anegan de cando en vez, a pesares do control que ten do Avia o encoro de Albarellos, pero xa sabedes o que dicían os vellos: "O que é do río, sempre será do río".


1 comentario:

  1. Esta zona fue llamada hasta hace relativamente poco tiempo como "Os Ferreiros".Las viñas que ocupan gran parte de la fotografía eran conocidas por sus propietarios como "A viña dos Ferreiros" y así figuran en los documentos de propiedad. Es una pena que desaparezcan estos topónimos locales.Saludos para Julio.

    ResponderEliminar