Penso que esta foto é unha verdadeira xoia, unha desas sorpresas que atopas no correo de cando en vez, neste caso enviada pola nosa amiga Carmela Dávila.
O importante desta foto é a idade que ten, xa que atopamos moitas imaxes de estudio desta época, a maioría familiares, ou de grupos, ou postais dalgún curruncho da vila, pero poucas instantáneas costumbristas como a que presentamos hoxe.
Non sei se se corresponderá cunha procesión da Semana Santa, ou coa da Virxe do Portal en Septembro, pero o certo é que vemos como atravesa unha Praza Maior chea de árbores.
¿Cando se talaron as árbores da Praza? Non o sei, mais vémola así nas postais que hai da vila entre os anos dez e vinte. Pode que sexa deses anos.
No hay comentarios:
Publicar un comentario