sábado, 3 de julio de 2010

Publicitando a Feira

Con iso de que está a vila a celebrar a Feira do Viño do Ribeiro, poñemos hoxe outra foto dos seus inicios, como homenaxe a aqueles veciños, que foron os pioneiros das primeiras feiras, os que con moi poucos medios e moita ilusión lograron poñer a Feira, e ó Ribeiro no lugar no que está agora.
Vemos de fronte a Filiberto Soto e á dereita ó Sr. Andrade Usatorre, e penso que de costas á cámara, e á esquerda de todo está a silueta inconfundible de Quico Bouzas.
A foto e propiedade de Mª José Bouzas coma outras moitas desta serie, e penso que está feita en Pontevedra, nunha das paradas daquela caravana publicitaria polas capitais galegas. De feito podedes ver un cartel derriba dun automóbil publicitando ás adegas "Pericocho".




No hay comentarios:

Publicar un comentario