Nesta foto que nos manda Francisco Couto aparece á esquerda, de pé ,a nai de Francisco, Antonia Gulín. No centro, sentada, a súa avoa Luisa Pérez. E á dereita a súa tía Luisa, que é a máis pequena, e está sentada no colo da súa nai, ou sexa da avoa de Francisco.
A avoa Luisa era a muller de Braulio Gulín, que tocaba o trombón na Lira, e do que xa publicamos unha foto de estudio no que aparecía uniformado e co seu instrumento ao seu lado.(Podédela ver pulsando aquí)
Francisco nos conta que a súa nai Antonia naceu no ano 1921, e pola idade que aparenta na foto, poderiamos datala cara ó ano 1928 máis ou menos.
Como algúns de vos recoñeceredes, a instantanea está feita nos Escobetes, coa muralla do Castelo detrás, xa que era alí onde tiñan a súa casa antes de irse a vivir xunto á Praza Maior.
![](https://blogger.googleusercontent.com/img/b/R29vZ2xl/AVvXsEhRu70ur9mlo_p4ZMSB2UC-IbC2cv9ISMQkYBhCE2qXs75lWEl9LtDhoSfjGhaF0MR31nxVTW2DJYWWCqy8uoZ0eWs3G9hdY4PRaYuOeAgzgQ3i6B_DYSuQx9i4gpfzy-0yZC7DwOJ5kBkw/s400/Luisa+y+Antonia+y+Luisa+r.jpg)
No hay comentarios:
Publicar un comentario