martes, 26 de enero de 2010

Sastrería de Gumersindo Cortés

Eso penso que é o que pon no cartel que hai debaixo do balcón deste emblemático edificio da nosa Praza da Magdalena.
A foto está feita no mes de Xullo do ano 1925, pola Sta. Ruth Matilda Anderson. A americana que veu facer fotos a Galicia, e da que supoño que vos lembraredes xa que falamos fai pouco dela.
Ruth caracterízabase por crear novas olladas coas súas fotos, novos puntos de vista que non facían os fotógrafos locais, e este da Magdalena có edificio enteiro penso que é maravilloso. Polo menos eu nunca o vira, e mirade que hai fotos desta praza.

Se nós fixamos ben nesta edificación, que penso que antes desta data fora cárcere, e cuartel, caeremos na conta de que non se parece en nada á actual, hoxe só conserva os arcos cós capiteis da planta baixa, e os famosos medallóns da fachada, pero cambiados de ubicación. Mentres que xa non existen os demais elementos importantes dela, coma eses canos de desague tallados nunha soa peza ou esa potente cornixa.
Neste ano de 1925 a sastrería ocupa o primeiro piso, e se vós fixades veredes coma polo oco do balcón que está aberto podemos contemplar a unha muller cosendo sentada debaixo dun traxe pendurado da parede.
O que non sei é si Gumersindo Cortés é ese home que aparece asomado na fiestra da esquerda, xusto a que ten colgada unha gaiola para paxaros.



2 comentarios:

  1. La casa fue sede del cuartel de la Guardia Civil, segurísimo, pero la cárcel tengo entendido que estaba en la planta baja del edificio del ayuntamiento, de hecho la calle con escaleras lateral al ayuntamiento y que hoy tiene el nombre de Juez Viñas, se llamó con anterioridad calle de la Cárcel.La fotografía una preciosidad, saludos para Julio.

    ResponderEliminar
  2. A foto é estupenda. É recollida do libro que publicou Caixa Galicia? Non me decatara dos cambios dos escudos.
    Unha aperta. Benito.

    ResponderEliminar